వేమన శతకము

" ఉప్పు కర్పూరంబు నొక్కపోలికనుండు
చూడ చూడ రుచుల జాడ వేరు
పురుషులందు పుణ్య పురుషులు వేరయా
విశ్వదాభిరామ వినుర వేమ "

" చెప్పులోని రాయి చెవిలోని జోరీగ
కంటిలోని నలుసు కాలి ముల్లు

ఇంటిలోని పోరు ఇంతింత కాదయా

విశ్వదాభిరామ వినుర వేమ "

" వేష భాషలెరిగి కాషాయ వస్త్రముల్
గట్టగానే ముక్తి గలుగబోదు
తలలు బోడులయిన తలపులు బోడులా
విశ్వదాభిరామ వినుర వేమ "

" అల్పుడెపుడు పల్కు నాడంబరము గాను

సజ్జనుండు పల్కు చల్లగాను

కంచు మ్రోగునట్లు కనకంబు మ్రోగునా
 విశ్వదాభిరామ వినుర వేమ "

" ఆత్మ శుధ్ధి లేని ఆచారమది ఏల
భాండ శుధ్ధి లేని పాకమేల

చిత్త శుధ్ధి లేని శివ పూజలేలరా 
విశ్వదాభిరామ వినుర వేమ "