పలుకే బంగారమాయనా - భద్రాచల రామదాసు కీర్తన
పలుకే బంగారమాయెనా...
పలుకే బంగారమాయెనా కోదండపాణి
(రాగం: ఆనంద భైరవి, తాళం: ఆది)
పల్లవి: పలుకే బంగారమాయెనా కోదండపాణి ||పలుకే ||
చ 1: పలుకే బంగారమాయె పిలిచిన పలుకవేమి
కలలో నీ నామస్మరణ మరువ చక్కని తండ్రి ||పలుకే ||
చ 2: ఇరువుగ ఇసుకలోన పొరలిన యుడుత భక్తికి
కరుణించి బ్రోచితివని నెర నమ్మితిని తండ్రి ||పలుకే ||
చ 3: రాతి నాతిగజేసి భూతలమందున
ప్రఖ్యాతి జెందితివని ప్రీతితో నమ్మితి తండ్రి ||పలుకే ||
చ 4: ఎంత వేడినను నీకు సుంతైన దయరాదు
పంతము చేయ నేనెంతవాడను తండ్రి ||పలుకే||
చ 5: శరణాగత త్రాణ బిరుదాంకితుడవుగావా
కరుణించు భద్రాచల వర రామదాస పోష ||పలుకే||
0 comments:
Post a Comment